Troukoors...

Jip, dit was alweer sulke tyd... Op 12 Mei het Liska (was Pohl gewees) en Jacques die knoop in Oos-Londen deurgehaak.

En hier is net 'n paar bewyse...

Revlon

Ons paar dametjies van die apteek het gisteraand die voorreg gehad om die bekendstelling van Revlon se nuwe verleidelike grimeringreeks by te woon, in die eksklusiewe Manhattan Club in Rivonia.

Kuier uit die buiteland...

Saterdag, 13 Januarie, het ek 'n heelike besoekie uit Nieu-Seeland gekry - Ineke en Ilze Jacobs. Ons was saam op skool tot st.7, waarna hulle die groen weivelde van die buieteland gaan opsoek het...

Dankie vir 'n heerlike kuiertjie julle 2!

Oja, en dankie vir die pragtige armbandjie van paua skulp... Hierdie skulp is uniek aan Nieu-Seeland (gaan loer gerus by www.reijewellery.co.nz/what_is_paua vir meer inligting...) .

Trompie en die Boksombende..

Groot opgewondenheid heers in Heidelberg, en veral in Van Dykshuis...

Wie van ons onthou nie vir Trompie nie? Al was die TV-reeks dalk so ietwat voor ons tyd, het ons seersekerlik die boeke gelees... Wel, dié van ons wat 'n sweempie kultuur in ons het, né!? Of die heel laaste opsie, jy het darem seker al vir Pieter Smith hoor sing??

In elk geval, KykNet se Ontbytsake is hierdie week in Heidelberg (hulle verfilm dit nou, saai uit vanaf 3 Februarie 2007) en het besluit om 'n reünie vir die Boksombende in Heidelberg te hou. Hoekom juis hier? Want dis hier waar die reeks geskiet is doerie jare... Wie sou kon dink!!?

En so bly die ganse Boksombende, Grootkaptein Trompie inkluis, dan nou hier by ons oor. Net goeie ou Boesman wat nog kort!

(v.l.n.r is Dawie, Rooies, Trompie en Blikkies)