Twee ietsies om 'n oggend mee af te skop

~'n Gebed deur Jörg Zink~

"Here, ek is vanmôre vrolik.

Die voëls en die engele sing, en ek jubel ook.

Die heelal en my hart is oop vir u genade.

Ek voel my liggaam en ek dank U.

Die son skyn op my, dankie daarvoor.

Die see spoel oor die strand, dankie daarvoor.

Die skuimwater klots teen ons huis, dankie daarvoor."

~Ps143:8~

Laat my elke môre U liefde ondervind, want in U stel ek my vertroue.

Wys my die pad wat ek moet loop, want my hoop is op U gevestig."

Jy kan die gawe van God se liefde net behoorlik genietop die pad wat Hy vir jou aanwys.

Met die "kospakkie" van God se liefde en die "padkaart" van sy Woord kan elke dag net 'n avontuurlike reis wees.

(Dankie Mia...)

Ek is wonderbaar, want...

(Uit Finesse Dagboek 2007, deur Amelia Meiring)

Psalm 139:14 - "Ek wil U loof, want U het my op 'n wonderbaarlike wyse geskep. Wat U gedoen het, vervul my met verwondering."

Hoe sien jy jouself?

Wonderbaar?

Sommer so gemaak en so laat staan?

Dìt alles is wonde wat ons onsself toegedien het a.g.v. seerkry en teleurstellings in die lewe.

Baie vroue heg vandag geen waarde aan hulleself nie, omdat hulle na ander kyk om 'n standaard vir hulleself vas te stel. En dit is juis wat ons nié moet doen nie.

Die goeie nuus is dat ek en jy 'n oorspronklike ontwerp is van die groot Ontwerper self. Ons is beslis nie 'n goedkoop namaaksel of afdruk van iemand anders nie. Wow!

Liewe vrou van God, God het beslis geweet wat Hy wou maak toe Hy jou in gedagte gehad het. Kies daarom vandag God se merk op jou.

Glo dat jy spesiaal is.

Weier enige ander seerkrymerke op jou.

Laat jou lelike dag verander in 'n sonnige dag.

Laat jou wandel met Jesus jou lei van gebondenheid tot vryheid, van depressie na vreugde.

Laat die gisters agter jou en trek jou aan met die môres van Jesus se volmaaktheid.