Die gevreesde V-dag...

Valentynsdag...

In baie lewens 'n gevreesde, selfs gehate dag dag.

Maar miskien is dit tyd dat ons so bietjie van romantiese liefde vergeet en dink aan liefde in die algemeen. Ek't 'n paar mooi dinge raakgeloop, waaroor ons almal gerus 'n bietjie kan besin...

~Dalk 'n weergawe van 1 Kor. 13? ~

Liefde is 'n stille verstaan, 'n wedersydse vertroue, 'n deel met mekaar en vergifnis.

Dit is getrouheid deur goeie en slegte tye.

Dit is met minder as die prefekte tevrede en maak voorsiening vir menslike swakhede.

Dit is tevrede met die hede en het hoop vir die toekoms, maar dit broei nie oor die verlede nie

Dit is 'n daaglikse geskiedenis van irritasies, probleme, kompromieë, klein teleurstellings, groot oorwinnings en werk na gemeenskaplike doelstellings.

As jy liefde in jou lewe het, kan die liefde vergoed vir baie ander dinge waarin jy te kort skiet.

As jy die liefde nié het nie, kan jy alle ander dinge hê, maar dit sal nie genoeg wees nie.

~Anoniem~

Nog 'n weergawe van 1 Kor. 13

Al sal ekkie tale van mense en van ingelse praat,

ma ek het nou die liefde geloop geryl virrie haat,

dan het ek 'n raaslike paraffienblik gestaat raak.

Al was ek so slim lat ek niewe goeterse kan maak,

ma ek het die Jirre se liefde byte innie son gelat lê,

dan is ek niks, hoor wat ek hierie vedag vir jou sê.

Al gjee ek my hele bokke weg, net om te die ag te hê,

dan sal al hierdie dinge my nog niks gepetaal hettie

as ekkie die liefde ytie jimmel yt kan geloop haal hettie.

Die regtige liefde die se bek is noot nie dikkie,

jy sien hommie skinner en jy hoor hommie klikkie,

hy skrywe die kwaad okkie in boekietjiese oppie.

... Die liefde maak alles mooi toe met hy se sawwe karos.

Tale die hou op, voorspellingse vedwyn en woorde raak los,

ma liefde die sal nou tot by ewageit toe net so bly staat.

En nou is dit die geloof ennie hoop ennie liefde wat bly staat,

ma nettie liefde sal saam met my narie Jirre se jimmel toe gaan.

~Hans du Plessis~

~Charlotte van Schiller~

Jou foute sal ek verstaan.

Liefhê is tog nie om vir jou 'n droombeeld te skep van 'n perfekte wese en dié dan jou geliefde te noem nie.

Veeleer is liefde dit: om mense lief te hê soos hulle is; om hulle swakhede en foute te aanvaar met 'n hart wat daarvoor ruimte maak.